"Məhz öz coğrafi mövqeyimizə görə biz bütün rabitə vasitələrini inkişaf etdirmək və qlobal informasiya sistemi yaradılmasında irəliləyişi təmin etmək üçün misilsiz imkanlara malikik"

Heydər Əliyev

"İnsanların işləməsi, fəaliyyət göstərməsi, dövlət orqanlarının, ayrı-ayrı özəl qurumların, hər bir təşkilatın səmərəli işləməsi üçün rabitə indi çox mühüm bir vasitədir"

Heydər Əliyev

"Rabitəçilərin vəzifəsi bütün rabitə növlərinin, xüsusən telefon rabitəsinin iş keyfiyətini daha da yüksəltməkdən, əhalinin ehtiyac və tələbatına daha çox fikir verməkdən ibarətdir"

Heydər Əliyev

"Son illər Azərbaycanda rabitənin inkişafı sürətlə gedir və aparılan işlər, əldə olunan nəticələr təqdirəlayiqdir"

Heydər Əliyev

"İndiki zamanda rabitə hər bir insan üçün ən çox lazım olan bir vasitədir"

Heydər Əliyev

Smart eynəklər və AR/VR cihazlar üçün nəzərdə tutulmuş Android XR əməliyyat sistemi təqdim edilib

Google şirkəti Android-in smart eynəklər və AR/VR cihazlar üçün nəzərdə tutulmuş versiyasını təqdim edib. Bu versiya Android XR adlanır. Google bildirib ki, bu yeni əməliyyat sistemi həm aparıcı AR/VR cihazları həm də sadə smart eynəkləri dəstəkləyir. Şirkətin sözlərinə əsasən Android XR-in əsas məqsədi istifadəçinin tam şəkildə qarışıq reallıq dünyasına daxil olmasıdır. Google bu yeni əməliyyat sistemi üçün xüsusi olaraq Maps, YouTube, Chrome və digər tətbiqləri optimizasiya edib.
Google həmçinin XR rejimdə çalışmaq üçün Chrome brauzerinin çox pəncərəli versiyası üzərində çalışır. Adi Android ilə müqayisədə Android XR şirkətin Gemini adlı süni zəka modeli əsasında çalışan çoxlu sayda funksiyanı özündə birləşdirir. Google bildirib ki, neyron şəbəkəsi XR cihazların funksionallıqlarını olduqca genişləndirəcək. Android XR ilkin inkişaf mərhələsində olsa da, artıq tərtibatçılar üçün aktivdir. Bu yeni əməliyyat sisteminə sahib ilk cihazların 2025-ci ildə təqdim olunacaqları gözlənilir.